Dürant ils mais favrer e marz 2026 sun stattas expostas fotografias da Johann Feuerstein illa Chasa Selm.
L’exposiziun da fotografias, curada da Ruedi Bruderer in cooperaziun culs
Archivs culturals da la Val Müstair e la Fundaziun Pro Claustra San Jon Müstair, ha muossà – sper otras fotografias da la Fundaziun Fotografia Feuerstein –
raduond 50 nouvas fotografias scuvertas illa Val Müstair.
Il tema principal da las fotografias d’eiran purtrets e scenas da la vita sociala a la fin dal 19avel tschientiner.
Las visitadras ed ils visitaduors sun stats invidats per güdar ad identifichar persunas
incuntschaintas süllas fotografias.
Las fotografias ed ils resultats da l’exposiziun vegnan uossa preschantants illa
publicaziun «JOHANN FEUERSTEIN (1871–1945) Val Müstair«.
Il cudesch es in vendita a partir dals 2 avuost 2026 a l’occurrenza illa Chasa Selm ed illa butia da la clostra «la butia», per CHF 35.
